2022 оны 3 дугаар сарын 16-ны өдөр МШХ-ны гадаад харилцааны дэд хорооны ахлагч, шүүгч Ц.Эрдэнэчимэг Шүүхийн Ерөнхий Зөвлөлийн дарга Д.Зүмбэрэллхам, гүйцэтгэх нарийн бичгийн дарга Р.Батрагчаа нартай уулзаж, Шүүгчдийн Холбооны 2022 онд гадаад харилцааны чиглэлээр төлөвлөгөөнд тусгагдсан ажлуудыг хэрэгжүүлэхэд хамтран ажиллах хүсэлт тавьсан байна.

Уулзалтын хүрээнд ярилцсан асуудлуудыг Шүүхийн Ерөнхий Зөвлөлийн удирдлага хүлээн авч, дэмжин ажиллахаа илэрхийлжээ. МШХ-ны гадаад харилцааны дэд хорооны ахлагч, шүүгч Ц.Эрдэнэчимэг ШЕЗ-ийн удирдлагад Холбооны гадаад харилцааг хөгжүүлэхэд хамтран ажиллах болсонд талархаж байна гэв.

ШҮҮГЧДИЙН ХОЛБОО