Үзэл бодлоо илэрхийлэх эрхийн төлөөх #Хуульчдын_нэгдсэн_сүлжээ байгуулах ёслолын арга хэмжээ өнөөдөр Хэвлэлийн Хүрээлэнгийн мэдээллийн төвд боллоо.

Ёслолын үеэр Монголын Шүүгчдийн холбоо, Монголын Хуульчдын холбоо, Хэвлэлийн Хүрээлэн, Глоб Интернэшнл Төв, Монголын Эмнести Интернэшнл , Монголын Өмгөөлөгчдийн Холбоо, Хууль зүйн Нийгэмлэг зэрэг байгууллагуудын удирдлага, төлөөлөл ХАМТЫН АЖИЛЛАГААНЫ САНАМЖ БИЧИГ байгуулав. Мөн Хүний эрхийн Үндэсний комисс Хуульчдын сүлжээг дэмжин ажиллахаа илэрхийлсэн байна.

            Энэхүү Хуульчдын сүлжээ нь МУ-ын Үндсэн хууль, Олон Улсын Хүний Эрхийн хэм хэмжээний хүрээнд иргэд, олон нийтийн үг хэлэх, үзэл бодлоо илэрхийлэх болон хэвлэл мэдээллийн эрх чөлөөг бэхжүүлэх зорилгоор хуульчдыг мэргэшүүлэх, сэтгүүлчдийг чадавхжуулах, бодлогын нөлөөлөл үзүүлэх, эрх зүйн практик судалгааг дэмжин хэрэгжүүлэх зорилготой юм.